Seguridad den nos trafico ta den un bon balansa

“Mi ta hopi contento cu nos a logra crea un bon balance pa un trafico mas sigur aki na Aruba”, Minister Arthur Dowers, kende ta encarga cu e cartera di Husticia a expresa.
E titula encarga cu Husticia a remarca bisando cu ainda e ta corda e cifranan alarmante di acidentenan cu tabata tuma lugar. Minister Dowers a admiti tambe cu e tabata sa di antemano cu e lo no tabata un tarea facil, pa desminui e cifranan aki.

Pero cu hunto cu Cuerpo Policial, dor di pone control di trafico riguroso continuo y tambe a traves di programanan di conscientisacion, a logra toch na conscientisa tur usuarionan di trafico.

 

Segun Minister Dowers, cu e ta sinti cu tanto e control y programanan di conscientisacion no ta mes intenso mas manera antes, pero cu lo ta bon pa nos reactiva tur esnan necesario un biaha mas, pa nos keda mantene nos trafico lo mas sigur cu ta posibel pa tur hende.

Di nos banda, nos lo keda inverti continuamente pa nos por keda garantisa e balansa cu nos tin actualmente, maske cu semper lo keda existi espacio pa mehoracion.

Top