Seis (6) detencion y un arma di candela y un cantidad chikito di marihuana confiscá

 

WILLEMSTAD – Diasabra 28 pa diadomingo 29 di òctober 2017 entre 10.00 or di anochi pa 07.00 or di mainta e Team di Mantencion di Orden Público hunto cu Curmil (Curacaose Militie) a tene control(nan) dirigí riba posicion ilegal di arma di candela y otro delitonan na respectivamente Schottegatweg Zuid y F.D. Rooseveltweg.

 

Durante e control(nan) aki a detené tres (3) hòmber sospechoso en coneccion cu posicion ilegal di arma di candela. Ta trata di e hòmbernan; 1. J.I.U.A. di 21 aña di edad; 2. R.R.D. di 31 aña di edad; 3. A.A.D. di 19 aña di edad. Tur tres naci na Còrsou.

Tambe a detené un hòmber, E.B.M. di 39 aña di edad como sospechoso di ladronisia di un plachi di number y dos (2) stranhero cu no tabatin e documentonan necesario pa por permanecé riba nos isla.

 

Durante di e control a haña y confiscá: 1 revòlver; 1 auto; un cantidad chikito di marihuana; un plachi di number.

Durante di e contròl aki a kita dos (2) vehículo, cu a keda transportá cu takelwagen pa curá pa motibo cu nan documentonan no tabata na òrdo.

A presentá e sospechosonan dilanti di un Fiscal auxiliar kende a ordená nan encarcelamento pa mas investigacion. E accionnan aki ta continuá.

Leave a Reply

Top