Seleccion di futbol U-13 ta cla pa bataya den ‘Torneo Internacional Aruba Himno y Bandera 18 Maart’

 

E aña aki e organisacion di LIFIDA lo celebra e hecho cu 30 aña pasa nan a organisa e prome torneo di futbol infantil enconexion cu e celebracion di nos Himno y Bandera 18 di maart.

Awe 30 aña despues e di trinta seleccion nacional di futbol U-13 ta prepara nan mes pa cu e encuentronan di futbol relaciona cu e celebracion di e 30 aniversario di e ‘Torneo Internacional Aruba Himno y Bandera 18 Maart’.

 

Mester bisa cu e seleccion tin luna nan largo ta prepara p’e grandioso torneo aki y ta conta cu e apoyo di nan di 12 hungado cu t’e fanaticada di Aruba.

Den e ultimo dos añanan Aruba ta titula sub-campeon di e torneo, pero e biaha aki si nan lo kier logra e titulo mirando e 30 aniversario di e torneo.

E aña aki tin 6 pais ta participando cu ta: Bonaire, Colombia, Corsou, Venezuela, Sint Maarten y Aruba.

 

E torneo lo t’e dianan 12 te cu 18 maart, mientras e seleccion di Aruba U-13 lo enfrenta 4 seleccion di exterior.

Dia 13 di maart, Aruba lo enfrenta Colombia, pa su mañan 14 di maart, Aruba lo enfrenta Sint Maarten, e dia 15 di maart Aruba lo hunga contra Corsou y pa su mañan dia 16 di maart Aruba lo hunga contra di Bonaire.

Ban apoya nos muchanan y claro tur otro pais p’asina nos sigui engrandece e torneo internacional di futbol infantil.

 

Top