Seleccion di Karate a sali pa representa Aruba n’e Central American & Caribbean Karate Championship na Caracas, Venezuela

 

E dianan 31 te cu 1 di april proximo, seleccion di Aruba den e deporte di Karate lo ta na Caracas, Venezuela pa representa nos dushi isla den e torneo renombra, esta Central American & Caribbean Karate Championship.

Mester bisa cu Aruba lo wordo representa den gran forma den e torneo aki unda nos mihor karatekanan lo midi forza contra esnan den nos region.

E atletanan cu lo representa Aruba ta Robert Silva, Catherine Carraha, Kevin Lugo, Jean Carlos Franken y Christopher Carraha. Hunto cu nan lo biaha coach Sensei Armando Pazos di Venezuela, un medayista Panamericano, Suramericano, y Centroamericano.

Como hefe di delegacion di Aruba representando Aruba Karate Bond, nos tin sr. Georges Carraha. Pa varios luna caba nos atletanan di karate ta hibando un preparacion debido y sigur intensivo pa cu e competencia internacional aki. Awor nan lo biaha cu confiansa p’e magno competencia aki.

 

Un danki sigur na Lotto, e Loteria di Aruba pa medio di Comision di Subsidio cu a subsidia e biaha di e delegacion di karate pa e Central American & Caribbean Karate Championship na Caracas, Venezuela.

 

 

 

Top