Seleccion di landamento lo competi den e Campeonato di Consanat Sud Americano Hubenil

E dianan 14 pa 23 april proximo, un delegacion di landamento lo biaha pa Cali, Colombia,unda lo participa den e Campeonato di CONSANAT Sud Americano Hubenil.

E competencia di Consanat ta conoci como un hopi fuerte unda e miho landadonan hubenil den categoria 15-17 aña di Sur America lo t’ey presente. Mayoria di e atletanan aki lo competi den e ODESURHubenil den luna di september na Chile.

 

E aña aki Aruba lo manda un total di 6 atleta cu actualmente ta nos miho atletanan di landamento. E seleccion lo biaha cu cuater atleta femenino cu ta Flory Kock, Keeley Maduro, Anahi Schreuders y Elisabeth Timmer, mientras dos atletanan masculino ta Brandon Cheong y Daniel Jacobs.

 

Cada un di e atletanan akilo competi den nan specialisacion mientras lo tin un ekipo di relevo femenino como tambe mixto. Na banda di e atletanan lo biaha tambe dos referees di FINA Aruba cu ta Mayens Tromp y Ronald Leito. Head Coach Ismael Santiesteban lo guia e atletanan mientras e Hefe di delegacion lo ta sra. Marion Kan.

 

Un danki na Lotto, e Loteria di Aruba pa medio di Comision di Subsidio a yuda subsidia e biahe di e delegacion di landamento di Aruba pa e campeonato CONSANAT na Cali, Colombia.

Leave a Reply

Top