Seleccion Masculino di ASB den pleno preparacion pa clasificatorio den luna di september na Republica Dominicana

Den luna di februari Aruba Softball Bond a reuni cu pre seleccion masculino, kendenan a inicia cu entrenamento di imediato. Despues cu presidente Endy Croes a splika e trayecto di preparacion p’asina Aruba bay busca clasificacion na Republica Dominicana den luna di september e pre selecion aki a sali train cu hopi motivacion. Alrededor di 22 a 24 atleta contantemente ta raporta na campo di entrenamento.

 

Dirigentenan di Aruba tabata un di e impulsadornan grandi riba nivel internacional pa por a logra cómbense organisadornan di campeonato Centro Americano y Del Caribe un cupo extra pa islanan. Normalmente ta 6 pais lo clasifica pero e aña aki decision a cay cu lo clasifica 7 pais.

 

Pre Seleccion trahando actualmente 2 ves pa siman 3 ora y pronto lo subi e intensidad na 4 y despues 5 ves pa siman. Manera Endy a splica cu nada na e mundo aki no ta bin por nada sino cu trabou duro, dedicacion, disciplina y determinacion pa bo por logra. Aruba desde Status Aparte nunca a logra clasifica un Teamsport pa Juegos Centro Americano y Del Cariba.

Esaki ta mustra un oportunidad unico pero tur cos ta keda den man di propio atletanan con duro nan deseo ta pa traha.

 

Un ehempel di un di e atletanan di mas grandi y exitoso na mundo. E landador Michael Phelps.

E meneer aki pa e por a logra di kibra tur records a splika cu pa bo bira mihor ta un cuestion di training over y over y ripiti locual bo mester haci tur dia den gran cantidad cu e mihor tecnica. Asina so bo por keda perfeciona y master bo deporte pa bo por bira mihor y competi.

Micheal a prepara su mes 5 aña largo tur dia esta 7 ves pa siman lantando 6:30am tur mainta y a traha minimo 3 ora y maximo 6 ora den pool pa dia.

 

Ademas, 4 pa 5 dia pa siman a traha den gym algun ora. Michael tabata landa 80 km pa siman. Esaki a condusi na 23 medaya di oro y e mihor di mundo. Lokual nos kier splica ta cu si bo kier logra algo bo mester traha duro pe. ASB ta kere sigur den nos talentonan y awor ta e cuestion con hopi e deso di cada un ta pa sacrifica y haci e soño aki bira un realidad esta pa Aruba clasifica y drenta Juegos Centro Americano y Del Caribe cual lo tuma lugar desde juli 2018 na Baranquilla Colombia. Trahando nos por logra.

Top