Señora canando a sak den otro

Dialuna anochi Polis ta wordo manda cu urgencia riba Golfweg, unda un persona a bira malo riba caminda, canando.

Esaki a sosode casi 6’or di atardi. Tabata trata di un señora di edad kende tabata canando y a sak den otro. Na momento cu Polis a yega na e sitio, nan a nota e señora drumi den scoochi di su casa.

E homber a declara cu e señora tabata canando ora cu di repente J. A cay den otro. E no tabatin pulso ni por a sinti su curason. A pidi presencia di ambulance cu urgencia. E situacion a bira un poco agita na e sitio comokiera cu no tabatin ambulance disponibel pariba di brug pa cual e famia mes kier a transporte den auto particula pa IMSAN.

Pero Central di Polis a informa e patruya cu personal di Brandweer tabata yegando na e sitio pa duna jun man. Rapidamente e personal di Brandweer a cuminsa cu reanimacion y un rato despues ambulance a yega y a sigui trate. Asina cu nan a sinti pulso, a cuminsa transporte pa hospital pa tratamento medico.

Leave a Reply

Top