Señora den su cas na Sero Blanco a bira victima di atraco #57

Ayera diaranzon den careda di 1’or y 40 di merdia, Polis y Atraco Team a bay na un adres na Sero Blanco, caminda un ora prome lo a sosode un atraco arma.

Aki tabata trata di dos homber bisti na preto y ambos cu arma di candela den nan man. Nan lo a yega y exigi placa for di e señora di cas y nan a bandona e sitio.

E señora aparentemente lo no a avisa Polis mesora, pa motibo cu esaki ta di dos biaha cu e ta bira victima di un atraco arma y a keda cu hopi temor di esaki.

 

Sinembargo Polis y Atraco Team a ser avisa y a presenta,mesora ora cu nan a ser pidi pa asistencia y a bay n’e adres y ta tuma tur datos.

No ta conoci ki idioma nan a papia y tampoco si nan a logra bay cu placa, e cantidad cu nan lo por a bay cune.

Manera a ser bisa n’e sitio, esaki ta atraco 57 pa aña 2017!

Top