Seramento di caminda en conexion cu proyecto renobacion Rosa College

Departamento di Obra Publico ta informa pueblo en general y specialmente nos automobilistanan cu ta haci uzo di e caminda, Dominicanessenstraat, for di e cruzada di Caya Ernesto Petronia p’e cruzada di Indianenweg/Concessielaan y becindario, cu entrante diarazon 15 te cu diabierna 17 di maart 2017 lo bay sera e caminda pa motibo di renobacion di Rosa College.

 

E trabou ta ensera renobacion di e riool cu ta cruza den Dominicanessenstraat (wegkruising). P’e motibo aki tin cu sera e caminda di Dominicanessenstraat for di e cruzada di Caya Ernesto Petronia te n’e cruzada Indianenweg/Concessielaan.

Lo sera e caminda pa tur trafico y alabes lo bay indica e seramento di caminda cu bari y borchi di trafico p’e desviacion.

 

E trabou relaciona cu renobacion di e riool di Rosa College, lo bay tin un duracion di 3 dia di trabou.

En conexion cu e trabou menciona Departamento di Obra Publico ta haci un peticion na tur automovilista pa no haci uzo di e camindanan y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.

Top