Seramento di caminda y desviacion di trafico na Sasaki – En coneccion cu proyecto Watty Vos Boulevard

 

Departamento di Obra Publico ta informa pueblo di Aruba en general y specialmente nos automobilistanan cu ta haci uso di e caminda principal di L.G. Smith Boulevard (Sasaki), cu n’e cruzada T di Caya Punta Brabo y L.G. Smith Boulevard, cu entrante diarazon 19 juli 2017, lo bay desvia trafico riba un rotonde provisional (temporal) n’e cruzada T menciona.

 

Motibo ta cu ta bay cuminsa cu e trabounan di construction di un rotonde n’e cruzada T di Caya Punta Brabo y L.G. Smith Boulevard.

E desviacionan di e rotonde provisional (temporal) lo keda indica cu baricada y borchinan di aviso. Trabounan lo tin un duracion di 1 luna di trabou.

 

En coneccion cu e trabounan menciona Departamento di Obra Publico ta haci un peticion na tur automobilistanan pa tene cuenta cu e cambionan den trafico y ta pidi pa tene cuenta cu e inconveniencianan y ta gradici p’e comprension.

 

Top