SETAR ta introduci SETAR APP pa cliente por maneha su cuenta di celular mihor

SETAR ta introduci su SETAR App.

Keda na altura di e uzo di bo minuut, SMS y data, recarga bo prepaid facilmente dor di scan bo carchi cu bo camara di celular, cumpra bundles, add-ons y hopi mas.

 

Clientenan di SETAR por download e app den Google Play Store of Apple App Store gratis.

Una bes cu download e app por registra facilmente cu bo number di celular. Bo ta ricibi un codigo via SMS pa cuminsa goza di e beneficionan di SETAR App.

 

E usuarionan di Prepaid y Hybrid lo mira den e app un dashboard na unda cu por mira uzo di data, minuut, SMS y of cualkier bundel add-on cu ta activo.

Por cumpra bundel extra, recarga e celular, lesa e noticianan di SETAR y te hasta tin acceso di biaha na MiSETAR via e app aki.

 

Usuarionan di Postpaid (abonnement) tambe lo por controla nan uso di data via SETAR App, minuutnan di yamada, SMS y of cualkier add-on bundel cu tin.

Por cumpra add-ons manera 1 GB add-on of roaming bundle pa postpaid.

Ademas di esaki por keda al dia cu SETAR news, ricibi acceso rapido na informacion di e servicionan y cobranza cu MiSETAR.

 

SETAR App ta un bon noticia pa esnan cu ya ta hasiendo uzo di varios app di nan banco, of trabou pa haci nan bida mas facil y efectivo.

Pa mas informacion y detaye por bai na setar.aw/setar-app

Top