Sindicato di Polis ta consciente cu grabacion a pone cu cuater Polis a keda deteni

Cu detencion di otro dos Polis, diahuebs ultimo ta haci esaki na cuater Polis deteni pa un caso cu nan a atende na Madiki. Sindicato di Polis ta trata di mantene coleganan Polis trankil p’asina laga tur investigacion tuma su rumbo mientras cu di nan banda lo no bay haci nada ainda.

 

Segun presidente di SPA, Juancho Gomez tin un grabacion di loke a sosode e anochi ey y a base di esey tur e investigacion ta canando su caminda. E grabacion di e suceso awor ta den man di e departamento cu ta haciendo e investigacion rib’e cuater Polisnan aki. Medianan cu a yega na e sitio momento di e incidente ey tabata 24ora.com.

 

Segun sr. Gomez y SPA ta purbando di saca afo con esaki ta posibel. Antes tabatin scanner y prensa tabata yega na e sitio pareu cu Polis, pero awor no ta e caso mas.

Sindicato SPA ta kere cu tin prensa ta haya ayudo di paden mes, for di miembronan, of for di coleganan Polis. Riba esaki lo bay saca un carta pa Corp Chef pa saca afo kico ta pasando y con esey ta posibel.

 

Segun sr. Gomez ta imposibel cu un patruya di Polis ta yega na un sitio y di biaha tin prensa su tras. Informacion ta sali y yega na prensa cu no mester ta asina lihe.

Tambe no ta decarta cu ta e mesun media ariba menciona ta esun cu a duna e grabacion.

Esey ta keda tambe pa investigacion cu ta tumando luga ful completo prome cu haci cos descabeya pa mayan sali malo di dj’e.

 

Na final sr. Gomez a bisa cu nan ta para pa un sidicalismo profesional y responsabel.

P’esey ta haci un yamada na tur miembro pa no haci nada robes cu por sali bo malo y mayan e sindicato no por para bo tras. Tabatin cuater Polis deteni, pero dos di nan a keda den libertad recientemente.

E grabacion mes ta mustra cu tabatin mas Polis na e sitio, pero pa awor ta cuater ta envolvi.

Expertonan ta bay revisa e grabacion y mira si a edit den dj’e. Pero pa awor Sindicato di Polis ta laga e investigacion tuma luga.

Leave a Reply

Top