Sinterklaas lo yega Aruba dia 19 awor

Fundacion Sinterklaas a informa cu e Homber Santo ta yega diadomingo dia 19 di november awor.

Sinterklaas lo yega pa 10 or di mainta n’e ‘CruiseShip Terminal’ di APA y lo sali fo’i Gate nr. 1. Di eynan e lo pasa dor di Weststraat, bira na man drechi subi riba L.G. Smith Blvd. y termina na Plaza Betico Croes riba Vondellaan.

 

Riba Plaza lo bay tin un actividad pa yama Sinterklaas ‘Bon-bini’ aki na Aruba, na unda tur mucha hunto cu nan mayor ta keda cordialmente invita.

Fundacion Sinterklaas ta hopi contento cu p’e apoyo cu nan ta ricibi durante e preparacion y Yegada di Sinterklaas.

 

Manera tur aña pa por subi e tereno di APA por haci esaki dor di manda e siguiente informacionnan: *Number di Plachi di auto cu lo desea di subi riba tereno di APA; Cuanto persona ta bin den e auto; Cua media bo ta representa; Mester di un ID valido na momento cu bo yega n’e Security Booth pa por haya un pass pa subi riba tereno di APA.

Por fabor manda e informacionnan aki pa fundacion.sinterklaas@gmail.com no mas laat cu  dialuna 13 di november 2017.

 

 

Saludo Cordial,

Sra. Evelyn Frank/ Cel.: 593-3445

President Fundacion Sinterklaas

Fundacion Sinterklaas KVK S 1268

Leave a Reply

Top