Soccer Institute Aruba ta re-anuda trainings cu proefles gratis pa futbolista joven

Soccer Institute Aruba kier invita tur futbolista entre 6 cu 14 aña cu kier mejora nan tecnica of siña con pa saca e miho di nan mes riba veld pa join SIA su re-apertura 31 di mei 2017!

Tambe SIA ta anuncia nan campaña di Facebook cu ta haci’el e posibel pa hoben futbolistanan gana un uniform nobo nobo di SIA. Con por participa? Fasil: Like e pagina di SIA riba Facebook, post e potret mas great, pret of cool di bo yiu den pleno accion di futbol, y bo ta participa pa gana un uniform nobo nobo! Ganador of ganadora lo wordo anuncia 30 di mei via di SIA su pagina di Facebook.

 

Ken nos ta?

Soccer Institute Aruba ta un scol di futbol cu a ser funda na aña 2015, pa un grupo di profesional, cu experiencia den enseñansa di e deporte aki, den fasenan formativo aki na Aruba y na Hulanda.

SIA tin un ekipo tecnico altamente cualifica cu experiencia den training internacional.

SIA su meta ta pa mehora e abilidad tecnico den muchanan entre 6 cu 14 aña, dunando e muchanan aki entrenamento suplemental, banda di nan entrenamento regular cu nan club.

Training ta tuma lugar den grupo di maximo 10 mucha, basa riba nan abilidadnan tecnico individual. SIA ta uza diferente manera pa siña e hungador, pa logra un experiencia maximo di enseñansa.

Cada les ta enfoca riba 2 fase di e wega (atake y defensa) y e pasenan di un fase pa e otro.

 

E technicanan basico cu nos ta enfoca ta:

Mehora e implementacion maximo di tecnica cu ta existi den futbol: core cu e bala, control, pase, kita bala y tira;

Domina e tecnicanan: air game, e definicion di gol, technical, pase di banda y tecnica di defensa;

E uzo di diferente tecnica dependiendo e situacion real di wega y crea patronchi motorico apropia pa responde den algun situacion tactico.

Nos metodo di entrenamento ta incorpora diferente tecnica cu nan ta siña den diferente paso teniendo e wega di futbol semper den mente.

 

Lesnan di futbol

E obhetivo mas importante di SIA ta pa e lesnan di futbol desaroya e conocemento, actualisa y mehora e tecnica y abilidad mas importante pa nos alumno. Un biaha pa siman e alumno ta train riba un tactica / abilidad uzando diferente ehersicio te ora nan por logra e meta. Nos estudiantenan ta train den grupo di nos mas cu 10 mucha pa crea un ambiente de aprendisahe continuo. Despues di a atende y participa durante e lesnan di SIA tur participante lo sa mayoria di tecnicanan basico y lo tin e instrumentonan / conocemento necesario pa por maneha un gran parti di situacionnan durante wega cu exito.

 

Staff tecnico califica

Nos staf di trainers of coaches ta reconoce cu e bala ta e aspecto mas importante den futbol.

Durante tur training e bala lo ta e instrumento mas usa den e training integral. Tanto den training individual como den grupo, nos staf tecnico lo dunabo semper algo mas pa siña mehorando bo conocemento di e tecnica di futbol y lagando bo cu deseo pa siña mas.

SIA ta invita tur e futbolistanan cu talento di Aruba pa join pa un gratis proefles diaranson 24 di mei. Unico rekisito ta pa registra via email pa e proefles na info@siaaruba.com cu nomber completo di e mucha y e fecha di nacemento.

No perde e oportunidad aki pa progresa bo yiu su abilidad tecnico y conocmento di e deporte di futbol!

Top