Socotoro ta berde paso nan ta contento cu e progreso

E siman aki lider di partido AVP Mike Eman a dedica varios dia den e bario di Socotoro, un bario special paso aki ta caminda Mike Eman a biba parti di su infancia y hubentud.

Socotoro, mescos cu hopi otro area di Aruba, ta riba lista pa haya un renobacion. Y maske no a yega na beurt ainda manera Bushiri of Yara, su habitantenan sa cu e progreso y prosperidad ta na caminda; ta p’esey mes nan a duna Eman un bon bini sumamente caluroso.

 

Hopi di e caranan cu a topa cu ne durante e diferente dianan, ta caranan conoci. Otronan a cera amistad  di biaha pasobra generacionnan mas hoben ya ta conoce Eman como un lider acesibel y humilde. Un ciudadano a splica su admiracion di un manera hopi simpel bisando cu e Gobierno bou direccion di Eman a drecha caminda pa hendenan pober y el a drecha Oranjestad.

 

Un señora cu conoce Eman y su famia di hopi aña atras a bisa: “E Mike aki ta mescos cu su tata; asina su tata tabata traha. Mike ta un bon hende; bo ta mira cu e ta traha y haci nos luga bunita. Ta cua partido a haci esey?”, e señora ta puntra, “ningun partido a haci esey.”

 

Eman a splica cu tur loke ta e vision di AVP ta p’e felicidad por yega den cada bario y den cada hogar di Aruba. “Mira pariba, mira pabou, mira pazuid y mira panort; bo ta mira e cambio di e partido aki, bo ta mira e renobacion, bo ta mira e progreso y mas cu tur, bo ta mira cu nos a tuma e posicion clave cu ta comparti e prosperidad. Unda e no a yega ainda, e ta bay yega y Aruba henter sa esey”, e lider politico a afirma.

 

Di e manera aki lider di partido AVP mescos cu tur candidato ta sigui drenta cada caya y cada skina di nos isla pa reafirma nan compromiso cu pueblo di Aruba; e compromiso di prosperidad comparti pa un y tur.

Top