Specialista di derecho di trabou prof. mr. Stefan Sagel ta duna seminar riba cuater isla pareu

Despues di un seminar exitoso aña pasa, oficina di abogado VanEps Kunneman VanDoorne e aña aki atrobe a invita prof. mr. Stefan Sagel pa pone abogado y cliente na altura tocante algun topico actual di derecho di trabou.

Diahuebs 3 di maart, e team di derecho di trabou di VanEps Kunneman VanDoorne a ricibie na e establecimento na Corsou. Pa medio di e sistema di video conference di e oficina por a participa na e seminar aki for di Aruba, Boneiro y Sint Maarten tambe.

 

Durante e prome mita di e atardi prof. Sagel a papia cu e abogadonan di derecho di trabou di VanEps Kunneman VanDoorne tocante e ultimo desaroyonan riba tereno di e derecho di contract colectivo di trabou. Despues el a elabora rib’e caso di retiro entrante inmediatamente.

Durante e di dos parti di e atardi na tur isla clientenan tambe a uni. Cu e grupo aki prof. Sagel a trata e topico responsabilidad di dunado di trabou.

 

E team di derecho di trabou di VanEps Kunneman VanDoorne ta bou di guia di counsel Kimberly de l’Isle hunto cu partner Molly Steward. Kimberly de l’Isle ta bisa di e seminar: “Den derecho di trabou e desaroyonan ta sigui otro rapidamente. Pa keda up to date ta importante pa regularmente organisa e tipo di encuentronan aki y participa na nan. P’esey nos ta masha contento cu un experto manera prof. Sagel e aña aki atrobe por a traha tempo pa comparti su conocemento y experencianan cu nos y nos clientenan.”

 

Na tur isla a cera e seminar cu un encuentro caminda e participantenan por a sigui combersa cu otro gosando di un snack y un beter. VanEps Kunneman VanDoorne ta wak e posibilidadnan pa laga un seminar asina bini bek cu un frecuencia regular y tambe lo continua cu seminar den forma di curso individual y special pa e cliente.

Top