Specialista di mercadeo digital Brian Carter lo ta na Aruba dia 25 di maart

 

Diasabra proximo dia 25 di maart na Renaissance Convention Center lo tuma lugar e di dos ‘E-Aruba Business Seminar’. P’e di dos edicion lo tin 4 orador internacional incluyendo e specialista riba mercadeo digital sr. Brian Carter for di Merca.
Brian tin 18 aña di experiencia cu clientenan grandi manera NBC, Microsoft y Universal Studios.

Brian Carter a aparece den varios medio di comunicacion imporante manera The Wall Street Journal, Bloomberg y hopi otro.

Su experencianan ta hopi valioso mirando cu den tur su trayectoria el a papia pa mas di 50,000 studiante na diferente scol y via rednan digital mas di 3 miyon.

Brian Carter lo siña negoshinan con pa triplifica nan resultadonan den rednan social y tambe e lo elabora riba con e mundo a cambia awor cu clientenan potencial ta mas riba telefon cu computer.
Cu topiconan relevante manera Online Marketing, Social Media, Entrepreneurship y Mobile Marketing tur orador internacional lo presenta den e sala di Renaissance Convention Center diasabra 25 di maart proximo.

Lo tin hopi otro orador di Merca, Caribe y Aruba cu lo delibera riba e topiconan aki den e mundo digital. Despues di cada presentacion lo tin oportunidad pa pregunta y debate entre expertonan local.
Pa registra por cumpra ticket na Office Systems Aruba y online via www.e-aruba.com. Tin prijs general y prijs pa studiante.

Top