Sra. Glenda Croes-Tromp a atende e congreso di ITU na Rotterdam, Hulanda

Cada aña, Federacion Mundial di Triathlon ITU ta pone nan Congreso Anual caminda e deliberacion, refleccion y conclusion cu e demas miembronan rond mundo ta puntonan di agenda cu mester wordo trata.

Pa ITU, e evaluacion riba e aña deportivo cu a transcuri y kico tur mester wordo haci pa keda engrandece e deporte di traithlon ta primordial.

P’e demas miembronan e ta hopi importante pa congresonan ser atendi p’e representantenan maximo di nos federacionnan deportivo, esaki pa un continuacion positivo n’e desaroyo di e deporte di triathlon.

 

Secretaria General di Aruba Triathlon Association, sra. Glenda Croes-Tromp a biaha pa Rotterdam, Hulanda unda su persona a atende e 2017 ITU Congress, e edicion number 30 di Federacion Mundial di Triathlon.

Aña pasa esaki tabata na Madrid, Spaña. Durante di e congreso a papia riba topiconan manera desaroyo mundial di e deporte, e diferente competencianan na nivel regional, continental y mundial, mientras ITU lo dispone dipone cursonan pa engrandece e conocimento di e dirigente y coachnan.

 

Mester bisa cu prome cu e inicio di e Congreso a tene 1 minuut di silencio pa Les McDonald, un miembro honorario y alabes Hall of Fame di ITU.

Na bida sr. Mc Donald tabata Presidente di ITU di 1989 te cu 2008 y Presidente di Triathlon Canada pa hopi tempo.

Un danki sigur na Lotto Aruba pa medio di Comision di Subsidio cu a subsidia e biahe di Aruba Triathlon Association p’e di 30 congreso anual di Federacion Mundial di Triathlon, ITU na Rotterdam, Hulanda.

Top