Starbucks Aruba lo celebra Global Month of Services cu un Fun Walk

Manera tur aña den luna di april, Starbucks ta celebra nan ‘Global Month of Services’, esaki t’e oranan cu cada Starbucks team ta dedica na servicio comunitario.

E celebracion aki ta sosode mundialmente. Pa varios aña caba Starbucks Aruba ta realisa esaki den un forma festivo cu henter e comunidad di Aruba.

E aña aki lo sostene Fundacion Cu Amor Pa Aruba den forma di un Fun Walk; tur hende por participa y yuda e fundacion.

 

Aruba henter ta keda cordialmente invita pa forma parti n’e gran evento di Starbucks Aruba.

E Fun Walk lo tuma lugar diasabra 8 di april pa 8or di mainta, ta cuminsa registra ya caba for di 7:30 di mainta.

E Fun Walk ta start sali bao guia di IBISA for di Renaissance Market Place, dilanti di Cafe de Plaza y lo tin un ruta di 6KM.

Por cuminsa inscribi caba na Starbucks Market Place, Starbucks Paseo Herencia of Starbucks Mall.

Bo inscripcion ta inclui un dushi koffie di Starbucks, un shopping bag recycla, awa durante di full e ruta y esun di mas importante, bo aporte na Fundacion Cu Amor Pa Aruba.

“Starbucks ta meramente un vehiculo pa yuda e fundacion aki, cu a bin ta haci un bon trabou den nos comunidad. Nos ta invita tur nos clientenan pa nan participa”, asina Zugheila Lindeborg a bisa.

 

Fundacion Cu Amor Pa Aruba a bin ta realisa un bunita trabao den comunidad; di un manera caritativo y educativo a bin ta yuda esnan den mas necesidad aki na Aruba, p’e motibo aki tambe Starbucks Aruba a uni nan mes n’e fundacion pa realisa un Fun Walk bao guia di IBISA.

E Fun Walk lo priminti di bira grandi y dibertido. Henter Aruba ta invita pa participa.

For di awor caba Starbucks ta gradici comunidad di Aruba cu semper a sostene Starbucks su eventonan durante e Global Month of Services.

Pa mas informacion por tuma contacto na 523-6185 of 523-6752 of bishita Starbucks su pagina di Facebook; www.facebook.com/starbucksaruba

 

 

Top