Statia ta gradicí boluantarionan di RCN

ORANJESTAD – Diabièrnè e comishon di desaster di Sint Eustatius y Cuerpo di Bombero Hulanda Caribense a gradicí e di dos grupo di boluntario for di Bonaire cu a yega Statia casi un siman pasa pa yuda cu limpiamento di e isla despues di pasada di orcannan Irma y Maria. Gezaghèber suplente, señor Julian Woodley, a indicá cu tabatin mester di èxtra man y pues e 7 boluntarionan aki (trahadornan di RCN) a contesta e yamada.

E boluntarionan tabata activo tambe den e shèlter di orcan yudando cu diferente tarea incluyendo surti paña y cu distribucion di paketenan di orcan conteniendo productonan seco y awa.

E ámbtenaarnan ta representá vários departamento di RCN. Pa mayoria di nan tabata nan promé biaha cu nan a bishita Statia.

“Nos ta contento cu nos por a sirbi e comunidad di Statia den un tempo asina aki”, esaki Saida Ugueto a bisa. Diadomingo e grupo ta bolbe Bonaire.

Top