Stichting Family First ta organisa un tayer informativo especialmente pa mayornan tocante Disciplina Consciente

Den cuadro di nos vision, “Famianan sano pa un Aruba prospero”, e aña aki Stichting Family First ta

habri aña 2017 cu enfoke riba relacionnan sano entre mayornan y yiunan.

 

Nos ta kere cu un di e yabinan clave pa alcansa nos proposito den bida ta dor di relacionnan stabil.

Basa riba esaki, nos lo bay tene un tayer enfocando e biaha aki riba Disciplina Consciente, facilita pa e team di Develop to Grow bou guia di sra. Helen Guda.

 

Durante e sesionnan lo bay enfoca riba e. o. keda trankil ora e yiu no ta tende, lanta un mucha cu confiansa den su mes, siña bo yiu cumpli cu regla.

E tayernan lo tuma luga dianan 4 y 11 di maart na Centro Sonrisa – Pavia 19B. Orario ta di 9:00am pa 1:30pm. E costo pa participa ta 50 florin (cu material inclui). Ultimo dia pa registra ta diaranson 1 di maart.

E cuponan ta limita, asina ta registra trempan.

Pa registracion por yama na number di telefon 582-0099, of celular 690-0288. Tambe por mail na info@familyfirstaruba.org.

Top