Stichting Rancho ta anuncia: Gobernador di La Guajira ta pospone su bishita pa e acto protocolario riba Dia di Rey

Pa medio di e comunicado aki, sr. Clifford Rosa, presidente di Stichting Rancho kier informa pueblo di Aruba y comunidad Guajiro lo siguiente. Despues di a ricibi un yamada for di e Gobernador di La Guajira dr. Weildler Guerra Curvelo diabierna anochi, cu e peticion pa pospone su bishita pa Aruba, cual tabata planea pa ta presente pa dia 27 di april p’e acto protacolario cu celebracion dia di REY.

 

Segun e Gobernador cu dia 26 di april La Guajira lo ricibi bishita di e Presidente di Colombia, caminda cu e Presidente lo bay anuncia cosnan hopi importante pa cu e desaroyo di La Guajira. Pues cu pa e motibo aki e Gobernador no por yega Aruba p’asina cumpli cu e parti di protocol, pa despues duna palabra na e comunidad Guajiro biba na Aruba.

Tambe Gobernador lo a haci un anuncio na Stichting Rancho.

Sr. Rosa ta trahando riba un fecha nobo y asina cu esaki ta conoci Stichting Rancho lo anuncia esaki. Stichting Rancho ta pidi su disculpa pa cu esaki.

 

Tambe sr. Rosa kier anuncia cu pa motibo imprevisto, e actividad planea hunto cu Arubox pa dia 30 di april tambe ta wordo posponi p’un otro fecha. Asina cu e fecha ta conoci esaki lo wordo comparti cu pueblo di Aruba. P’asina nos duna sosten na e deporte aki di Boxeo.

 

Pero Stichting Rancho ta warda henter pueblo di Aruba y muy special e amante di Boxeo y Literatura, pa un presentacion di e prome ehemplar di e buki OPI cu ta tuma luga dia 29 di april pa 7’or di anochi den Centro di Actividad Rancho, cual ta un buki cu ta conta e storia di e legendario boxeado “Sugar Nando Boy”, kende tabata un boxdo hopi conoci.

Aki un di su yiunan, cu ta Xiomara Frans-Muller lo bin for di Boneiro y haci un presentacion di e bida di “Sugar Nando Boy”.

Fernando Muller a nace na San Pedro de Marcoris, Republica Dominicana dia 11 di maart 1931 y el a fayece 29 di january 2014 na Tilburg, Hulanda. Fernando Muller a biba den Rancho y esaki ta algo cu ta mustra e parti Multi-Cultural y Deportivo di un persona cu ta contribui na un storia masha importante mes.

Top