Studiantenan di Aruba cla pa sigui nan estudio pa CIOS na hulanda

 

Pa drenta CIOS na hulanda cada studiante mester pasa un test fysico cu a tuma lugar riba 4 di februari. E test fisico aki a inicia mainta pa 8’or na Comunity Pool cu e parti di landamento unda diferente disiplina mester a wordo haci cu ta e. o. schoolslag, borstslag, rugslag, duik bou awa, despeus a sigui cu core un distancia di 3 km.

 

Pa 9:30 e test a continua cu e disciplina di “turnen” unda e participantenan mester a haci e. o. koprol, zweefrol, handstand sigui cu un koprol y radslag. Parti cu material nan mester a bula spreidsprong over un bok y hurksprong over un kast.

 

Na final di dia nan mester a haci diferente disciplina di volleyball, basketball, voetball y cada participante mester a duna les di 5 minuut cu asina a cera e mainta di test físico.

E resultado a wordo manda pa CIOS Arnhem y na comienso di april cada studiante cu a pasa e test fisico mester a haci dos test online, un di Hulandes y un di Rekenen.

 

Riba 21 di april cada studiante a sinta cu sr. Martin van Wijk cu ta un docente y alabes stagebegeleider di CIOS Arnhem conhuntamente cu sra. Jacqueline Ponson van Putten cu ta e coordinadora y persona di contacto pa cu e estudio di CIOS na hulanda pa concretisa e resultadonan di e test cu nan a haci online.

E studiantenan cu a haya adviso positivo lo mester cuminsa cu nan tramitenan pa haya DOU lening p’asina nan por drenta den e aña escolar na september 2017.

 

Un danki na Aruba Sport Unie cu a duna su apoyo pa pone su lugar na disponibel pa e testnan tuma lugar y na CIOS Arnhem cu mas cu 30 aña ta duna nos studiantenan di Aruba e oportunidad pa sigui estudio riba tereno di deporte.

Top