Studiantenan di Hulanda Caribense a yega Hulanda bon

 

KRALENDIJK – Dialuna mainta 42 studiante di un total di 84 studiante di Hulanda Caribense a yega Schiphol save. E studiantenan a yega cu dos vuelo, cu a yega 6.40 or y 11.05 or di mainta ora di Hulanda.

Na aeropuerto, representantenan di Aalse & Partners a ricibí e grupo aki cu a scoge pa haña guia. Di e 42 studiantenan cu a scoge pa bay Hulanda bou di guia, 32 ta di Bonaire, 7 ta di Sint Eustatius y 3 di Saba. E sobra 42 studiantenan a scoge pa bay Hulanda sin guia.

 

A transportá e studiantenan cu bùs pa hotel WOW na Amsterdam, caminda nan lo keda pa tres dia. Durante di nan estadia nan lo topa cu nan mèntòr, nan lo haña mas informacion y nan lo ricibí nan pólisa di seguro médico.

Tambe nan por habri un cuenta di banco y den algun caso firma contract di hür pa kamber di studiante.

Seguidamente cada studiante ta ricibí un carchi di SIM pa via di telefòn celular keda den contacto cu famia na cas.

 

Na yegada n’e hotel tabatin un ceremonia di bon biní cu un bufèt. Diárazon e studiantenan bou di guia ta bay n’e municipio cu nan ta bay studia. E studiantenan nobo ta haña guia entre otro riba e parti di inscripcion n’e municipio caminda nan ta bay biba y informacion tocante di e ciudad, siña haci uso di transporte público y con pa muebla nan kamber.

Tambe ta yuda nan controlá inscripcion n’e instituto educacional di nan escogo y ta siña nan conocé e cultura Hulandes.

 

Banda di e studiantenan cu a scoge pa sigui estudio na Hulanda, tin tambe studiantenan cu a scoge pa bay studia na Merca y den region. N’e momentunan aki ta trata di mas cu 60 studiante di cual 40 ta bay studia na Còrsou.

 

 

Leave a Reply

Top