Suzy Camelia-Römer a cana según procedura constitucional

WILLEMSTAD  – Partido Inovashon Nacional (PIN) a tuma nota cu dia, 9 di mei 2017, tabatin hopi pregunta riba ley y regla constitucional den e cuadro di entrada di miembronan nobo den Parlamento.

Mester bisa cu durante un di e promé combersacionnan político cu a hiba den formacion dia 30 di april 2017, e tres (3) partidonan cu ta bay forma coalicion cu ta PAR, MAN y PIN, a trece dilanti como pregunta: “Con e secuensia pa drenta Parlamento ta bay cana?”

 

For di e momento ey PIN a trece dilanti cu e ta opta pa cana e procedura di semper y ta scoge pa sigui e ley y regla constitucional, esta, cu un miembro eligí den Parlamento ta huramentá y ta sali for di Parlamento na momento cu e ta bay drenta Conseho di Minister.

PIN no ta premia mal comportacion di algun partido cu a nenga di laga miembronan drenta Parlamento y a orkestrá henter un gira (roadshow) di mal informá nos comunidad.

Di e manera aki PIN a scoge pa sigui informá pueblo tambe y asina forma parti di e formacion di nos pais.

 

Top