SV Aruba Juniors ta celebra su di 85 aña di ser funda

Sportvereniging Aruba Juniors ta celebrando su di 85 aña di a ser funda. Pa ser exacto dia 5 di februari 1932.

Selin Fingal tabata e persona cu a bin cu e idea pa lanta un team di futbol den e bario di Socotoro.

Despues di a haña sosten di amigonan den bario a haci e idea algo formal.

 

E nomber di Aruba Juniors a wordo proponi dor di Selin Fingal despues cu el a lesa e nombernan di Argentina Juniors y Boca Juniors den prensa internacional.

Aruba Juniors t’e club deportivo, activo, mas bieu na Aruba y ta conta cu mas di 200 miembro den diferente ramo di deporte.

 

Pa conmemora e hubileo Aruba Juniors ta organisa un siman deportivo pa su miembronan cuminsando dialuna awor cu un Santo Sacrficio di Misa pa 9or mainta na misa di Playa.

E schedule p’e siman deportivo ta como lo siguiente:

Dialuna 6 di februari 2017                               

7.00 p.m.         Zaalvoetbal

 

Diamars 7 di februari 2017                                                 

7.00 p.m.         Domino y Darts

 

Diahuebs 9 di februari 2017                                                

7.00 p.m.         Hersengymnastiek

 

Diavierna 10 di februari 2017                                             

7.00 p.m.         Bolas criollas

 

Directiva ta invita tur su miembronan pa atende e siman deportivo p’asina nos tur celebra hunto e di 85 aniversario di Aruba Juniors.

 

 

 

 

Top