Sv Britannia cu wega internacional U-13 contra Club Deportivo Union Bosa di Colombia

 

Diadomingo awor, 12 di maart, Sv Britannia U-13 lo tin un compromiso serio ora cu nan topa e seleccion di Club Deportivo Union Bosa for di Bogota Colombia. E wega lo tuma lugar den Compleho Deportivo Franklin Bareño na Piedra Plat y lo cuminsa pa 4’or di atardi.

 

Semper ta un bon experencia pa clubnan di Aruba midi forsa cu paisnan grandi den futbol pa di e forma aki nos acumula mas experencia y conoce e futbol di exerior. E ekipo U-13 di Sv Britannia ta ocupa actualmente e number dos ariba tabla di posicion y sigur den e U-13 di Sv Britannia tin hungadornan prometedor.

 

Un cordial invitacion ta bay na e fanaticada di futbol di Aruba pa bin presencia e wega aki den C.D. Franklyn Bareño y entrada lo ta completamente gratis. Despues di e wega aki nos tur lo basha bay stadion Guillermo P. Trinidad pa presencia e wega di division Honor entre Sv Britannia contra di RCA.

Leave a Reply

Top