Sv Britannia Damas contra Barry University USA den C.D. Franklyn Bareño

 

Diaranson awo den Compleho Deportivo Franklyn Bareño na Piedra Plat lo tuma luga un wega internacional di Damas ora cu e team campeon di Aruba, esta Sv Britannia Slenda enfrenta e team campeon universitario, esta Barry University.

 

E wega lo cuminsa pa exactamente 6’or y mey di atardi y lo wordo dirigi pa refreenan internacional. Sv Britannia Splenda ta e campeonnan indiscutibel di Aruba y sigur e team di Piedra Plat / Paradera ta bon prepara pa enfrenta e team Mericano.

E team di Barry University ta di vacacion akinan na Aruba y ta probecha e momento pa keda den condicion y di e forma aki a busca un wega contra di Sv Britannia Splenda.

 

Actualmente e seleccion di Aruba Damas U-17 ta den preparacion pa cuminsa hunga eliminatorio pa mundial y esaki ta un bon oportunidad pa algun di nos hungadornan midi forsa contra di un team di nivel halt. Entrada lo ta completamente gratis y bar y cushina lo ta bon surti. Un invitacion ta bay na tur fanatico di bon futbol pa bin apoya nos mucha muhenan den nan compromiso serio awe diaranson den C.D. Franklyn Bareño na Piedra Plat.

Top