SV Britannia Vitamalt ta gana Estrella cu score minimo di 1-0

Diadomingo anochi, den Compleho Deportivo Guillermo P. Trinidad a tuma luga e gran encuentro di bario ora cu e Pumanan di Paradera/Piedra Plat, esta SV Britannia Vitamalt a enfrenta e Naranjadanan di St. Cruz, Estrella.

Semper ora cu e dos equiponan nan aki topa otro e enteres di fanatica ta grandi, pasobra tanto SV Britannia Vitamalt y Estrella ta brinda bon nivel di futbol. SV Britannia ta bin di seis wega hunga di cual cinco gana y un empata, mientras cu Estrella ta bin di shete wega hunga di cual dos wega perdi un gana y cuater empate.

E wega a cuminsa na un nivel halto unda cu ambos banda a cuminsa hunga un futbol ofensivo y cu intencion di busca e goal trempan den wega. SV Britannia trempan ta haya un chens pa bay riba den marcacion ora cu Bruno Concaicao ta lop e bala over di e keeper di Estrella, pero e keeper ta logra mishi cu e bala y evita e goal trempan.

Despues di e hugada aki tabata Jeanpierre Fingal cu tambe ta haya dos bon chens den di prome tempo pa manda su team SV Britannia ariba, pero ambos tiro ta wordo para pa e keeper hoben di Estrella y asina tambe halftime ta bay aden.

britannia-2Den di dos tempo e wega a cuminsa bira un tiki mas fisico y unda cu refree mester a
interverni na varios ocasion. Tabata casi na final di wega cu Theric Ruiz ta logra anota e goal di victoria pa SV Britannia Vitamalt cual a nifica tres punto mas pa SV Britannia Vitamalt.

Cu e resultado di e wega aki e standing ta como lo siguiente SV Britannia Vitamalt 16 punto, Dakota 17, RCA 16, Nacional 15, Riverplate 13, Estrella 7, La Fama 7, Caravel 5, Bubali 5 y na di ultimo luga Jong Aruba cu 1 punto.

E proximo wega di SV Britannia Vitamalt ta contra di La Fama diadomingo 11 di december pa 8’or di anochi.

Top