Swimming Team The Orcas, Unico club di landamento pabao di brug

Dialuna 14 di augustus 2017 Swimming Team The Orcas ta cuminsa atrobe cu su eskema di entrenamento regular. Cada dia den siman miembronan por entrena n’e club.

Riba dialuna, diamars, diahuebs y diabierna 5:00pm – 6:30pm na pool di Aqua Windie’s, otrobanda di hospital.

Riba diarason 4:30pm – 6:00pm na Pisina Olimpico Roly Bisslik na Savaneta.

Riba diarason (8:30pm – 9:30am) tambe tin entrenamento special pa adulto, tambe na Savaneta.

 

Pa ken?

Muchanan, hobennan y adultonan ta bon bini na Swimming Team The Orcas. E edad minimo ta 6 aña y mester sa di landa.

Durante entrenamento tin hopi atencion individual, pero e sentido di team tambe ta importante. Swimming Team The Orcas ta e unico club di landamento cu tin su base fiho PABAO DI BRUG.

 

Tambe landamento di salbabida

Riba diabierna tambe tin instruccion di landamento di salbabida (di Reddingsbrigade Hulanda) banda di entrenamento regular. E miembronan por participa den e programa aki, pero esaki no ta obligatorio.

E instruccion aki ta inclui den actividadnan y contribucion di Swimming Team The Orcas.

 

Mastergroep

Riba diarason mainta (8:30pm – 9:30pm) tin entrenamento special pa adulto (masters) na pisina di Savaneta.

Tin ± 30 minut di aqua fitness riba musica, sigui cu ± 30 minut di landa. E entrenamento wordo duna den parti poco profundo.

Landadornan inexperto tambe ta bonbini.

 

Miembronan nobo

Swimming Team The Orcas tin lugar pa miembronan nobo. Ora bo ta interesa bin wak bo mes of, mas miho, bin pa 3 entrenamento pornada den un siman pa purba si esaki ta algo pa bo.

Esaki tambe ta inclui landamento di salbabida riba diabierna.

Tur hende ta bon bini for di dialuna 14 di augustus (5:00pm) na piscina di Aqua Windie’s.

 

Bishita e pagina di Facebook di Swimming Team The Orcas pa mas informacion of tuma contacto cu Carla via mail orcasaruba@yahoo.com of cel. 594-5163.

Leave a Reply

Top