Ta detene tres ladron hoben hortando den Hua Run Super Center

Awe madruga, alrededor di 2’or y 28, Central di Polis ta manda patruya di Playa na Hua Run Super Center pa ladronanan den e edificio cu lo ta hortando.

Patruya cu tabata e momento ey den cercania a yega pa 2’or y 29, unda cu nan a bin topa cu un homber scondi pafo y tras di un pochi mata cu dos caha di placa den su man.
Na mes momento tabatin un otro hende homber ta saliendo fo’i di un buraco den bentana.
Polis a bay over na detene tur dos hende homber.

Na dado momento un di nan a haci un movecion straño na unda cu Polis pa su mes un seguridad a los un tiro di advertencia den laira na unda di biaha a nuetralisa e situashon.

Polisnan di Noord cu tambe a presenta na e sitio a bay over na controla e luga paden na unda cu a bin topa cu e di tres sospechoso den baño scondi. Ta trata di dos Arubiano y un Curasoleño.
E edad ta di 16, 17 y 27 aña.

E caso ta den man di recherche na unda lo sigui cu e investigacion. Un tremendo trabao di coleganan di Cuerpo Policial cu a sa di yega inmediatamente y a bay over na detene e sospechosonan.

Leave a Reply

Top