Team Ildos Lottery Boomerang ta cla pa subi veld di Flatstone

Na Glitz Casino a tuma lugar bautismo di uniform di team veterano 60 + Ildos Lottery  Boomerang. Esaki ta pa di 6 aña consecutivo ta sponsor e grupo veterano y esaki ta pa di dos biaha ta sponsor e gruponan uniform completo.

Ildos  Lottery Boomerang ta orguyoso di por sostene e grupo di 60 + cu ta motiva pa haci e deporte di baseball y ta un di e gruponan cu ta haya hopi competencia, pero cu ta saca cara den e mundo di baseball bao di e veteranonan.

 

Den un ambiente unico na Glitz Casino na La Cabana e grupo a bautisa nan uniform. Madrina di e grupo tabatin e honor di a hiba palabra y tambe a haci e  bautismo cu e balanan di softball.

Di e manera aki a desea a grupo hopi suerte p’e temporada di campeonato di softball veterano 60+ .

E weganan den liga mayor tin competencia di 50 y 60 + y lo cuminsa cu e weganan dia 9 di juli na veld di Flatstone.

E invitacion ta keda na comunidad di Aruba pa participa n’e weganan veterano pa apoya e grandinan den e mundo di softball aki na Aruba.

Tambe e team completo ta gradici Ildos Lottery Boomerang y Glitz Casino pa nan sosten y p’asina e grupo por ta bon representa na momento di wega.

Tur hende ta bon bini na veld di Flatstone pa bin mira e weganan di softball. Nemencio Jansen  manager di e team ta gradici Ildos Lottery  y Glitz Casino pa nan sosten.

 

Leave a Reply

Top