Terrific Kids di St. Dominicus College Y St. Franciscus College a reconoce e letternan RIF

Siman pasa diaranson, Terrific Kids di St. Dominicus College y St. Franciscus College a reconoce tur e studiantenan cu durante e prome 3 lunanan di aña 2017 a logra di ta un mucha “Responsible”, “Inclusive” y “Friendly”.

 

Terrific Kids ta un programa cu Kiwanis International ta promove na scol basiconan unda un Kiwanis club local ta existi. Kiwanis Club of Palm Beach a dicidi di implementa e programa hunto cu y guia dor di e docentenan di St. Dominicus College como pilot school y despues e programa a expande na St. Franciscus College cuminsando e aña escolar actual.

Despues di e reconocemiento, e muchanan cu a logra e letternan a bay outing hunto na Dream Bowl diabierna ultimo.

 

E programa tin como meta pa reconoce e studiantenan cu ta mantene nan mes na cada un di e letternan di e palabra Terrific cu ta ta consisti di Thoughtful, Enthusiastic, Respectful, Responsible, Inclusive, Friendly, Inquisitive and Capable. Mas cu claro cu e programa ta wordo splica na Papiamento p’asina e muchanan por comprende nan meta.

 

For di aña escolar 2013-2014, e programa aki ta existi na St. Dominicus College y desde e inicio e tabata un exito rotundo. Den aña escolar actual, esey no ta un excepcion y cu orguyo por bisa cu e programa a extende na St. Franciscus College tambe e juffrouw y meneernan di ambos scol ta wak un diferencia den e studiantenan cu ta logra forma nan character y alavez haci nan abilidad di liderasgo mas fuerte.

 

Pa mas information di Terrific Kids, bishita http://www.kiwanispalmbeach.com/terrific-kids.html.

Top