Thashaina Seraus lo atende un campo di entrenamento na Kegel Training Center na Orlando, Florida

Recientemente, e bolichera Thashaina Seraus a biaha pa Orlando, Florida unda e lo permanece pa un algun dia na e Kegel Training Center na Orlando Florida.

Aruba su Atleta di Aña 2015 lo entrena durante algun dia bou guia di algun expertonan cu ta traha den servicio di e Kegel Training Center.

Net prome cu Thashaina bolbe Merca, unda e lo sigui continua cu su estudio y deporte di bowling e lo hiba un preparacion cortico unda e lo traha rib’e parti di tecnica y consistencia di e wega, movecion di bala y entrenamento mental.

Mester bisa cu e entrenamentonan ta inicia di mainta te atardi laat.

E campo di entrenamento di Kegel Training Center na Orlando, Florida sigur no ta uno desconoci, atleta di paisnan rond mundo ta haci uzo di e facilidad, e mayoria como un bon preparacion pa un temporada largo di bowling nan dilanti.

Top