The Cinemas a celebra e screening di Beauty & The Beast

 

Diadomingo dia 19 di maart, The Cinemas a celebra screening di Beauty & The Beast cu un evento special, unda cu a transforma un espacio den e tema di e pelicula “live action” pa presenta “Tea Time with Belle” prome cu e “viewing”.

 

Coordinador di Benta y Mercadeo pa The Cinemas, Devin de Veer, a remarca cu e evento tabata un exito grandi y e muchanan a keda encanta cu e oportunidad pa disfruta di nan “tea time” y e oportunidad pa topa cu y saca potret cu Prinses Belle.

 

E version “live action” di Beauty & The Beast ta un di e peliculanan di Disney mas anticipa di e ultimo añanan, tanto pa muchanan como adultonan, rond mundo. E storia a keda mescos, e unico cos cu ta cambia ta cu enbes di un pelicula anima, awo e ta “live action”, pues cu hende y obhetonan real anima cu computer, De Veer a laga sa, e “rating” ta PG, pues apropia pa muchanan y adulto, y ta inclui tur e canticanan faborito di amantenan di e version anima, manera “Be Our Guest”.

 

E pelicula ta un adaptacion di e “cuenta di hada” di un prins (“Beast” – Dan Stevens) cu a wordo comberti den un “bestia” y un mucha muhe jong (“Belle” – Emma Watson cu ta namora di otro.

Goza di Beauty & The Beast tur dia na The Cinemas Paseo Herencia y The Cinemas Renaissance Marketplace. Pa informacion tocante di orarionan, check e programa di The Cinemas den corantnan of bishita www.thecinemas.aw.

Top