The Ritz-Carlton, Aruba conhuntamente cu Aruba Marriott Resort, Renaissance Aruba y Costa del Sol a uni pa un bon causa

Recientemente The Ritz-Carlton, Aruba conhuntamente cu Aruba Marriott Resort, Renaissance Aruba y Costa del Sol a organisa exitosamente un Family Walk  solidario di 5K  #CalaCamina.

#CalaCamina tabata un caminata solidario na beneficio di Fundashon “Ban Uni Man Pa Cria Nos Muchanan”, conhuntamente cu e comunidad di Aruba e caminata tabata uno amistoso cu un ambiente sumamente positivo y alegre, unda famianan a bini hunto pa participa pa un bon causa.

 

E único requisito pa colabora tabata pa contribui cu e compra di e tshirt p’asina join e caminata.

#CalaCamina a cuminsa 5:30 di atardi na Fisherman’s Hut, e ruta a  sigui te Arashi y a caba na Fisherman’s Hut haciendo asina un ruta di 5K.

E Fundacion “Ban Uni Man Pa Cria Nos Muchanan” ta un fundacion cu a wordo crea na aña 2001 pa facilita e muchanan di menos recurso, un desayuno cu ta consisti di un sandwich y algo di bebe. Na e momentonan aki tin 600 mucha inscribi.

 

The Ritz-Carlton, Aruba conhuntamente cu Aruba Marriott Resort, Renaissance Aruba y Costa del Sol a recauda e bunita suma di 10.000 florin pa yuda nos muchanan cu un desayuno na scol.

Top