The Ritz-Carlton, Aruba ta paga lus y crea ambiente pa Earth Hour

Un biaha mas dia 25 di maart The Ritz-Carlton, Aruba a participa den e grandioso movimento di ‘Earth Hour’, organiza mundialmente di WWF (World Wide Fund for Nature).
Earth Hour ta wordo celebra anualmente cu e idea pa ta consiente di nos uso di energia y duna atencion n’e cambio di naturalesa.

Earth Hour ta duna e posibilidad y ta apodera cada persona y companianan pa contribui na un manera of otro pa haci un diferencia.
E evento anual aki ta tuma lugar e ultimo diasabra di e luna di maart cu ta propositamente coincidi cu e equinox (fenomeno cu ta pasa ora e equator ta pasa n’e centro di e solo) pa segura mas scuridad n’e ciudadnan rond mundo.

Diasabra ultimo 8 or y mei di anochi di nos ora local, The Ritz-Carlton, Aruba a paga tur e lusnan cu no tabata esencial na cierto area di e hotel pa un ora largo.
E proposito pa contribui n’e evento ta pa trece dilanti e importancia di cambio nan climatico cu tin actualmente riba nos planeta y tambe con pa haci uso di nos energia den un manera mas sostenibel.

The Ritz-Carlton, Aruba a crea un ambiente unico e aña aki unda tur e huespednan a ricibi oportunidad pa participa n’e bon causa.
E huespednan a sali y paga e lus di nan kamber, p’asina disfruta di un dushi ambiente cu entretenimiento den Divi Bar & Lounge.
Lusnan den e area di e lobby y Divi a wordo paga y mesora ilumina cu mas di 2,500 bela, y pa haci e anochi un celebracion Divi Bar & Lounge a crea un ‘Flaming Comet’ cocktail hunto cu su ‘Earth Hour’ dessert.

Top