Tiger, Brazil, San Nicolas y Noord Taekwondo Center a manda nan lista p’e di 9 Ultimate Taekwondo Cup

Stichting Tiger Taekwondo Academy t’e prome scol cu a manda nan lista di participante, sigui pa Brazil Taekwondo Stichting despues pa Noord Taekwondo Center y por ultimo e scol di Master Eric Barry di San Nicolas Taekwondo Center.

Te cu diahuebs merdia t’e 4 scolnan aki a manda nan lista di participacion y no sa si tin mas scol cu lo presenta pa registra nan atletanan p’asina por bringa p’e Best Team cup. Si nan wordo escogi como Best Fighternan ta clasifica pa Best of the Best 2017.

 

Brazil Taekwondo ta hopi gradici y te cu aworaki por mira cu Taekwondo ta creciendo cu hopi mas participacion cu na aña 2016.

Brazil Taekwondo Stichting a sali Best Team aña pasa n’e di 8 Ultimate Taekwondo Cup. No ta sigur ainda cuanto scol lo participa, pero Brazil Taekwondo su 7 atletanan pa Best Team ta conoci caba y e biaha aki a haci uso di e nobatonan pa duna nan tambe e oportunidad pa bringa p’e Best Team Cup y cu awor tambe nan ta bay drenta den e team di Train Hard Fight Smart.

 

Awe diasabra e evento ta cuminsa pa 10’or di mainta na Centro di Bario Brazil y Brazil Taekwondo Stichting ta spera un y tur.

 

Top