Tiger Taekwondo Academy t’e prome scol cu a manda su lista p’e di 9 Ultimate Taekwondo Cup

Stichting Tiger Taekwondo Academy t’e prome scol di Taekwondo cu a manda su lista cu un total di 17 atleta p’e di 9 Ultimate Taekwondo Cup cu Brazil Taekwondo Stichting ta organisa.

Tiger Taekwondo Academy a sali Best Team den e ultimo campeonato organisa pa ARTBO y ta bin p’e premio di Best Team atrobe.

 

Diahuebs awor tin e registracion y Stichting Tiger Taekwondo Academy lo entrega su lista di Best Team. Cos ta birando cayente y ta pone cu e campeonato aki lo bay ta uno grandi. Esaki t’e prome clasificasion pa Best of the Best 2017 cu lo tuma lugar na luna di november y www.mundotaekwondo.com lo bay ta central n’e evento aki.

 

Keda pendiente pa sa kico tur ta bay tin p’e Best of the Best y cuanto pais ta bay bin pa participa na Best of the Best 2017.

Brazil Taekwondo Stichting lo scoge su Best Team awe, ora cu tur mayor manda nan lista di nan yiunan cu ta bay participa den e di 9 Ultimate Taekwondo Cup 2017.

 

Brazil Taekwondo ta haci un recordatorio na tur e otro scolnan di Taekwondo cu diahuebs awor tin e registracion.

Top