Tin un concepto di ley na Parlamento cu Lo duna Departamento di Impuesto cu e incumplidornan den pago di number, cu lo tuma nan auto den beslag

seguro-2Mirando cu tin como 62% di contribuyente cu no a cumpli cu nan pago sea completo of parcial di nan number di auto, Mervely Romano a admiti cu actualmente tin un co
ncepto di ley na Parlamento pa aprobacion. Si e ta wordo trata ainda prome cu fin di aña awor no ta conoci, pero den e concepto aki tin un cambio di ley cu e cliente si e no a cumpli na paga un kwartal, lo recibi un naheffingsaanslag di Departament
o di Impuesto cu un boet aserca.

Y si ainda e cliente no cumpli, Departamento di Impuesto por manda un deurwaarder p’e y lo tuma
e auto den beslag y lo por bay over na bende, sin importa e suma di e debe. Por t’asina e cliente lo haya e caminda pa cumpli cu su obligacion financiero pa cu uso di nos camindanan publico.

Aworaki, Departamento di Impuesto no tin esaki regla den ley y ta depende riba control di Polis. Si Parlamento aproba e concepto di ley aki, lo bin un cambio hopi drastico, segun vocero di Departamento di Impuesto.

E unico medida cu tin awor pa forza esnan cu no a cumpli, di exigi pago di 2015 y 2016 prome di por bende nan number pa 2017.

Dicho cliente no por haya un areglo di pago, pasobra ley ta bisa cu e mester a cumpli caba.

Pa 2017, Departamento di Impuesto no a keda cla pa bin cu un plachi nobo, debi n’e cantidad di trabao, pero pa 2018, lo tin plachi nobo, cu dificilmente pa falsifica y tambe e sticker nobo tambe ta bira dificil di falsifica. Unabes cla, lo bay over pa destaho publico, pa por produci esakinan.

Tur e cambionan aki ta despues cu Minister di Finanza, Angel Bermudez a prepara un concepto nobo pa cobra  belasting pa uso di nos camindanan, por medio di consumo di combustible, manera e.o. na Hulanda, pero Prome Minister Mike Eman a bari esaki for di mesa.

Awe por mira e consecuencia di e stickernan, cu como e no ta debidamente regla, Gobierno no ta hayando su “fair share” y awor ta bin cu un concepto nobo di ley.

SEGURO

Prome di permiti un contribuyente paga belasting di su auto, e mester demostra di tin seguro pa su auto. De lo contrario no permiti’e pag
a su number di auto.

Tambe lo analisa comportacion di e contribuyente pa cu e añanan anterior, pa sa con el a cumpli.

Top