Tiramento cu morto na La Famawijk

WILLEMSTAD – Diahuebs 18 di mei 2017, alrededor di 1:47am, Central di Polis a dirigi un patruya na La Famawijk pa un caso di tiramento.

 

E patruya cu a yega na e sitio a haya un homber drumi abou cu herida di bala na e parti riba di su curpa y no tabata duna señal di bida. Motibo di e tiroteo te na e momentonan aki ta desconoci y ta den investigacion.

Alrededor di 3:10am, dokter di Polis cu a presenta na e sitio a constata morto di e victima.

Ta trata di e homber Robertico Christofer Nathan Antonij, naci na Corsou 12 di februari, 1990. Ademas, Polis a haya y confisca un cantidad di huls n’e sitio.

 

Riba ordo di Fiscal di Ministerio Publico a confisca e curpa sin bida di e victima pa mas investigacion. Polis di Corsou a haci un suplica pa tur persona cu por tin informacion tocante di e caso aki, pa tuma contacto cu Polis na 917 of e liña anonimo 108.

Leave a Reply

Top