Tiramento cu morto

 

WILLEMSTAD – Diasabra 25 di febrüari 2017 alrededor di 01.50’or di madruga, Central di Polis a dirigí un unidad na altura di brùg di ponton n’e banda di Punda pa un caso di tiramento.

N’e sitio Polis a bin topa cu un homber drumi abou cu algun herida di bala n’e parti riba di su curpa.

For di investigacion preliminar cu Polis a realisá n’e sitio a sali na cla cu probablemente e hòmber víctima tabatin un discusion cu un grupo di persona.

 

Na dado momento un di nan a saca un arma di candela lòs tiro dirigí riba e víctima cu consecuencia cu algun di e tironan aki a alcans’é n’e parti riba di su curpa.

E víctima -cu te n’e momento aki no ta identificá oficialmente- a fayecé n’e sitio di e incidente mes. Despues di e acto e sospechosonan a core bay.

 

Dòkter a constatá morto di e hòmber aki y riba òrdo di Fiscal di Ministerio Públiko a confiscá su curpa. Investigacion den e caso aki ta continuá.

Mas laat e víctima a keda identifica y ta un persona masculino y ta D’xiane Yoshua Mardechelo Ogenia, naci na Còrsou 19 sèptèmber 1998 (18 aña).

Polis ta suplicá tur persona cu por tin informacion tocante di e caso aki, pa tuma contakto cu Polis na 917 òf e liña anónimo 108.

Top