Tocante e tema “narco-complacencia”

Nos pueblo por a tuma nota cu den e ultimo dianan/simannan e calificacionnan di ta “narcocomplaciente”, “narcotraficador”, etc. a bolbe drenta den boca di nos politiconan pa trata na saca, loke nan ta kere, algun beneficio politico. Wel laga’mi bisa esaki.

Si tin un tema cu partido MEP mester evita di haci’e un topico di discusion y sigur no den e aña di eleccion aki (2017) ta: E topico tocante “narco-complacencia”.

 

Ken ta narco-complaciente, of ken ta narcotraficador, etc.etc. Partido MEP mester stop e asunto aki di biaha.

Dicon mi ta haci e observacion aki? Pasobra, cada bes cu nos tende e discusion aki y e bay-bin di comentarionan riba e topico aki, ta haci nos, y mi ta kere hopi otronan, recorda e tantisimo editorialnan y articulonan compaña cu prueba cu grandemente sr. Jossy Mansur, q.e.p.d. himself, a publica repetidamente den pasado y pasado recien (ainda prome cu el a fayece) riba e topico aki den su matutino DIARIO.

 

Y tur su comentarionan, hasta e acusacionnan cu e tabata haci, tabata bay den direccion di un solo partido politico y su dirigentenan. Y esey ta partido MEP.

Te cu awe nunca tabatin un solo bes caminda algun hende di MEP a hiba Diario of sr. Jossy Mansur, den feliz memoria, dilanti Corte. Y esaki no ta nada bon p’e partido MEP.

 

Den un editorial (Diario) di sr Jossy Mansur e ta bisa:”DIARIO no ta bay descansa te ora bin un aclaratorio di parti di Ministerio Publico ta con e cos ey ta posible.” (Ocando Paz, Cargozaak, Sanchez, Bermudez, badge di DISIP/Venezolano).

Top