Torneo ahedres “Leonardo Carter Memorial” fin di e siman aki

Dia 7, 8 y 9 di juli venidero, Federacion di ahedres di Aruba ta organisa su acostumbrado torneo di weekend “Leonardo Carter Memorial”.

E torneo aki, lo wordo hunga den 3 grupo. Un Open Group, Un grupo U-18 pa hungadornan bou di 18 aña y un grupo U-12, pa nos muchanan bou di 12 aña.

 

E Open y U-18 group, lo start diabierna awor pa 8:00pm den nos club na Nieuwstraat 11, Oranjestad.

Horario di wega den Open y U-18 ta: diabierna 8:00pm, diasabra 3:00pm y 7:00pm y diadomingo 10:00pm y 2:00pm. Duracion di un partido 75 minuut + 30 seconde increment. Entregamento di premio lo tuma lugar diadomingo despues di e ultimo rond (5:30pm).

 

Grupo U-12 lo wordo hunga riba diasabra di 9:30am te/cu 2:00pm. Duracion di un partido lo ta 15 minuut pa banda (sin tempo extra).

Entregamento di premio den U-12 lo tuma lugar entre 2:00 y 2:30pm. Esaki tambe lo tuma lugar den nos club na Nieuwstraat 11, Oranjestad.

 

Lo tin 3 trofeo p’e prome 3 lugarnan den cada grupo. Pa grupo U-18, tin medaya pa e best U-16 y best U-14. Pa grupo U-12, tin medaya pa e best U-10 y best U-8.

 

Gasto di inscripcion ta 10.00 florin pa grupo U-18 y U-12. Pa Open group, esaki lo ta 15.00 florin.

Mester registra y paga pa inscripcion prome cu e torneo start. No ta acepta mas inscripcion riba dia di wega.

Por inscirbi na club riba diahuebs entre 8:00pm y 11:00pm. Of via Email na ocroes@hotmail.com. Pago di inscripcion por wordo haci online. Pa mas informacion por contacta Octavio Croes na cel. 594-5590.

 

Top