Torneo di Ahedres “Copa Betico Croes 2017”

Un di e federacionnan deportivo cu anualmente ta celebra nan torneo relaciona cu Dia di Betico t’e Federacion di Ahedrez Aruba.

E aña aki, Federacion di Ahedres lo tene 3 dia di torneo esaki cuminsando diabierna 27 di januari y lo termina diadomingo 29 di januari.

Lo por competi den e categorianan di U-12, U-18 y Open, mientras e torneo aki lo bira tambe e prome torneo pa loke t’e calendario di actividad den e aña deportivo 2017.

 

Mester bisa cu diamars 24 di januari lo por cuminsa inscribi di 7or pa 9or di anochi p’e torneo aki, mientras diabierna 27 lo tin e apertura cu lo inicia pa 7.45pm den e Clubhouse Nieuwstraat 11, Oranjestad.

Riba e diarazon 25 di januari, e U-12 group lo hunga nan torneo cuminsando pa 10or di mainta mientras e entrega di premio lo ta programa pa tuma lugar pa 2.30 di atardi.

E gruponan Open y U-18 lo hunga entre diabierna 27 y diadomingo 29 di januari unda pa 5.30 di atardi lo haci entrega di e trofeonan na e respectivo ganadornan.

 

Lo tin 3 trofeo pa  prome 3 lugarnan den U-12 Boys y U-12 Girls, 3 trofeo pa best U-18, 1 Medaya pa best U-16 y U-14 y 3 trofeo pa best 3 den Open Group.

Ta bon pa bisa cu e torneo ta conta pa Rating local y pa punto di FAA. Tur aña rond di e fecha di 25 di januari, varios federacion deportivo ta tuma e iniciativa pa organisa nan acostumbrado torneo Dia di Betico recordando e fecha natal di Betico Croes den felis memoria.

 

Un danki sigur na Lotto, e Loteria di Aruba pa medio di Comision di Subsidio cu a subsidia e eventonan deportivo enconexion cu e celebracion riba Dia di Betico.

Top