A topa cu arma di candela, droga y joyas durante detencion diahuebs na Savaneta

 

A detene 3 sospechoso na ex Hotel Roys na Savaneta.

Manera nos di AWEMainta a informa for di ayera caba, diahuebs atardi alrededor di 5:10pm, un grupo di Polis consistiendo di Team di Aresto (AT), Recherche, Unidad K9 y Polis Uniforma a yega hunto na ex Hotel Roys na Savaneta cu un ordo di Huez Comisario pa haci un “huiszoeking” y enbusca di algun sospechoso specifico.

 

Na momento cu Polis a drenta e edificio a detene 3 sospechoso, di cual 2 ta di nacionalidad Venezolano y 1 di nacionalidad Hulandes, o sea un local.

E detencionnan tin di haber cu un investigacion andando, den cual ta sospecha cu nan lo por tin algo di haber of di lo sa mas di e caso.

Mester menciona cu durante e buskeda n’e edificio, Polis a topa cu un arma di candela, un cantidad di joyas y droga.

A transporta tur e sospechosonan pa Warda di Polis unda e investigacion lo continua.

Top