Tremendo workshop nobo di ceramica dor di artista maestra di Corsou, Ellen Spijkstra

E workshop aki di ceramica lo cuminsa dialuna 8 di mei 2017 pa 6:30pm, cu e tema di salida: Traha un Totem di Deseo.

 

Den e workshop aki lo bo wordo reta pa sali y traha cu e sinonimo “totem”. Un totem ta wordo mira como un spirito of obheto sagrado cu ta brinda proteccion na un individuo of un grupo di hende. Dor di refleha riba bo soñonan y deseonan bo ta pone un “totem di deseo” na mundo. Esaki por ta un totem individual, pero tambe un deseo cu a bo tin den bo mente pa un otro persona of e mundo cu nos ta biba aden.

 

Den e workshop aki bo lo bay ta ta prepara bo mes pa con lo bo bay duna forma na e totem aki. Den e prome siman lo pone enfacis riba diferente tecnica di ceramica manera, scraffito, intrasia y tecnica di marmer. Despues di practica e tecnicanan aki suficiente, lo bo bay ta realisa bo plan.

 

E ceramista y fotografo Ellen Spijkstra a sigui su carera na e academia di Minerva na Groningen Hulanda y a haci cu esaki a duna impulso tremendo den e desaroyo como ceramista na Corsou. Desde añanan nobenta Spijkstra ta duna workshops cu ta wordo sigui pa ceramistanan conoci internacionalmente. Hopi di su studiantenan ta traha awor como artista independiente.

 

E workshop aki ta pa un luna y ta cuminsa dialuna dia 8 di mei y ta termina cu un exposicion den salanan mayor di exposicion na Ateliers ’89 riba diahuebs 1 di juli. E workshopnan ta cuater bes pa siman y ta di dialuna pa diahuebs, di 6:30pm pa 9:30pm y ta wordo realisa cu cooperacion, Terafuse Glass and Ceramics.

 

Pa inscribcion por yama na tel. 5885776 of na cel. 5654613. Tambe ta aprecia hopi si haci esaki via mail na elvis@ateliers89.com. Tambe por sigui nos riba www.ateliers89.com of djis pasa na Dominicanessenstr. 34 na O-stad.

 

Inscribi trempan ya cu e cuponan ta limita y ceramica ta algo hopi gusta pa nos clientela en general. Edad ta 12 aña pariba.

Leave a Reply

Top