Tres homber a hinca Chini Tse Mora mortalmente

Inmediatamente despues cu Polisnan a wordo informa di un caso di maltrato cu a finalisa den un maltrato banda di OK Supermarket na Tanki Leendert,  a bay den movecion y a aresta 3 persona canando riba e caminda grandi banda di Pencro.

E victima a resulta di ta e homber  Chini Tse Mora, naci na Santo Domingo, 19 di Oktober 1977.

E prome informe ricibi tabata cu e patruya pasando banda di e supermercado ey ta wordo para door di algun persona pa señala un persona tira na suela cu varios hinca. E Polisnan a constata cu e tabata gravemente herida. Esaki tabata rond di 4.30 di madruga.

Ambulance mientrastanto tambe a yega na e sitio y a trata di reanima e victima, kende tabatin varios hinca y tabata sangra profusamente. Mesora personal di ambulance a cuminsa trata e victima, despues di basta rato reanimando e victima, e personal di ambulance mester a stop pa motibo cu e victima no tabata dunando señal di bida mas. Pa 6’or y 5 di mainta Dr. Texier a constata morto di e victima y fiscal Kardol a tuma e curpa den beslag.

Na e sitio, testigonan a conta cu nan a mira tres persona bringando cu e victima, nan a gritanan y ora nan kier a bira pa bin yuda e victima, nan a bin topa cu e victima bou sanger y gravemente herida. Tambe nan lo a mira un di e tresnan cu un cuchiu den su man.

Henter e areda a wordo coordona pa cuminsa cu e investigacionnan necesario. Poco poco famianan di e victima tabata yegando na e sitio, entre nan su mama, kende a sak den otro y tabata yora inconsolabelmente. Polis mester a pidi presencia di slachtofferhulp pa asisti e famia na e sitio.

Departamento technico di polis a presenta na e sitio  y cuminsa cu e investigacionnan, e caminda ta cera pa mas investigacion.

Te cu ayera tardi no a logra confirma si e tres personanan a keda deteni. AWEMainta ta manda palabra di condolencia na e famia.

 

 

Leave a Reply

Top