Tres homber stranhero deteni pa sospecho di “Skimming y Harvester”

WILLEMSTAD – Diasabra, 1 di juli 2017, alrededor di 18:40pm, un oficial di Polis atento a nota tres homber den un forma sospechoso na un ATM riba Winston Churchillweg na un sitio di parkeer di un negoshi.

Mesora e oficial aki a pidi asistencia di un unidad special di recherche, cu a yega rapidamente n’e sitio.

 

Durante di un investigacion rib’e sospechosonan, nan tabatin un cantidad di carchi di banco – sin inscripcion – y placa cash den nan poder. Polis a confisca tanto e carchinan y e placa cash pa mas investigacion.

Relaciona cu esaki, Polis a detene e tres sospechosonan aki. Ta trata di e hombernan:

M.R. di 33 aña di edad, naci na Servia cu nacionalidad Hulandes;

S.G. di 48 aña di edad, naci na Rumania;

S.S. di 43 aña di edad, naci na Servia.

 

A presenta e tres sospechosonan aki, dilanti di un Fiscal Auxiliar cu a ordena nan encarcelamento pa mas investigacion. E investigacion den e caso aki ta continua.

Top