Tres ladron ta horta den cas na Palm Beach

Diasabra nochi pa 22:44pm, Central di Polis ta wordo notifica cu pa mas o menos 21:30pm un atraco a tuma lugar na un cas na Palm Beach.

 

Polis di Noord a presenta na e cas y ta bin compronde cu dos hende muhe kedando na e cas a wordo atraca pa tres hende homber, dos di nan tabatin cara tapa y e otro no.

Tur tres cu arma di candela. E atracadornan a drenta e cas y a mara e dos damanan aki stranhero cu ducktape y a hincanan den un camber di e cas. E tres atracadornn a bay cu $5000,- , celularnan, pañanan y kedsnan nobo. E atracadornan a lo mester a huy den un auto chikito y scur.

 

Diferente unidad di Polis a cuminsa di biaha cu un buskeda pa wak si por topa cu e malechornan aki. Atraco Team a presenta pa cuminsa cu investigacion. Polis Tecnico tambe a presenta y Departamento di Slachtofferhulp p’asina guia e damanan cu a pasa den un suto.

 

Ta pidi ken cu cu por a wak algo pa por fabor yama tiplijn di Polis 11141.

Top